Unang Agos (November 13, 2012.)

pad-yellow
www.betty.me

Isang maalinsangang hapon noon at kami ay namamahinga lang habang nanunuod ng telebisyon dahil yung araw na iyon ay laban ni Pacquiao at Marquez, tutuk na tutok sila kuya dito at ako naman ay nakatutok sa electric fan. Bata pa ako noon nasa ika-limang baitang pa lamang ng elementarya ng datnan ako ng regla. Pakiramdam kong basa ang aking panty. Hindi ako mapakali kaya pumunta na akong cr, inakala ko pa nga na ako’y naihi ba rito. Pero mali, nanlaki ang aking mata at napuno ng takot ang aking katawan ng makita ko ang umaagos na dugo galing sa aking pagkababae. Madami ito at malakas, purong dugo ang nakikita ko. At sumasakit rin ang aking puson.

Gusto kong maiyak ng mga panahon na iyan. Iniisip ko na kung bakit o paano ako nasugatan banda duon dahil wala naman akong ginagawa rito. Inakala kong sugat lamang ito. Tumakbo ako palabas ng cr at ang nadatnan ko lang sa aming sala ay si kuya. Kaya wala na akong choice kahit nahihiya eh sinabi ko sakanya na mayroong dugo sa aking panty. Siya naman ang nataranta at tumakbo papunta sa kwarto. Nakalimutan kong andun pala si mama, sana duon nalang ako dumiretso.. Natatarantang ginising ni kuya si mama para sabihin nga na may dugo sa salawal ko.

Natatawa si mama nung gumising dahil mas mukhang si kuya pa raw ang dinatnan at hindi ako dahil sa kinikilos nito. Kumuha si mama ng napkin sa cabinet at binigay saakin, “Magpalit ka na sa cr, may regla ka na.” Tandang tanda ko pa ang unang napkin na nagamit ko… “MODESS!”. Hindi ako komportable nuon na may suot na napkin dahil nga ang kapal nito. Hindi ko pa nga malagay ng maayos ito dahil pers taym ko lang gumamit kaya naman palagi akong natatagusan sa aking shorts. Wala akong ginawa ng hapon nayun kundi humiga at matulog, nananakit ang mga balakang ko at puson.

Pinangalandakan ni mama sa aking mga titan a nagkaroon na nga ako ng regla, habang ako naman ay hiyang hiya rito. Parang proud na proud nuon si mama saakin dahil lang sa regla ko at parang tuwang tuwa siya. Nalaman na rin ng mga pinsan kong lalaki at inaasar pa nga ako ng kesyo malansa raw ang amoy ko kahit hindi naman. Ang mga pinsan ko naming babae ay natutuwa rin dahil pare-pareho na raw kaming may regla. Ewan ko ba pero ako hindi natutuwa.. Ang dami kasing ipinagbabawal nuon ni mama. Pinagbawalan akong magtalon-talon at maglaro ng chinese garter sa labas at bawal din kumain ng maaasim kagaya ng manga at santol. Dahil raw sasakit lalo ang puson ko at hihinto ang padaloy ng dugo. Kaya kahit gusting gusto ko na bumili ng tigtitres na mangga sa labas sa may tindahan ay hindi ako makabili at makakain dahil papagalitan ako ni mama. At sinabihan rin ako ni mama na labhan ko raw ang panty ko na may unang dugo at ipahid sa mukha.. para raw hindi ako tadtarin ng tigyawat. Nakakadiri pero ginawa ko parin.

Nahihiya naman akong malaman ng mga kaklase ko nuon na nagkaroon na ako ng regla kasi baka asarin rin nila ako. Kasi nga konti palang din saamin ang mga nagkaroon. Ang tagal pang matapos ng regla ko nuon umaabot ng isang lingo. Nang naghigh school na ako, mga nasa ika-apat na baitang nan g high school ay duon pa lamang nag 4-5 na araw ang tagal ng regla ko. At sabi nila kapag niregla ka raw duon na magsisimula ang puberty stage. Sa ngayon, gusto ko ng magpabugbog sa puberty!!!! Hindi ko manlang naramdaman nuon na nagbabago ang katawan ko. Mga kaklase ko antatangakad na at malulusog na ang dibdib. Pero heto ako, napagkakamalan paring grade 7..Wala share ko lang naman.. Balik tayo sa regla ko. Sobrang tagal kong nagdudusa sa sakit ng puson at pagpapalit palit ng napkin pero worth it naman kasi natatanggal ang mga maruruming dugo ko sa katawan. Hanggang ngayon kapag dinadatnan ako ng dalaw, ginagawa ko parin ang mga sinabi ni mama.

Natatawa na lang ako habang binabalikan ang aking pers taym..

Advertisements

Author: eri cà

Sunshine mixed with a little hurricane ✨

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s